7gun.org Turan.az-a istinadən xəbər verir ki, Fritta Ord Fondu və ZEİT Fondu (The Fritt Ord Foundation and the ZEIT Foundation"s) 2019-cu il üçün "Azad KİV" mükafatının laureatlarını elan edib. Mükafatın laureatları onlayn 7x7 qəzeti, Moskvanın İnsayder müstəqil media platforması, Ermənistanın CivilNet media platforması, müstəqil həftəlik Novoe Vremya jurnalı, Azərbaycanlı araşdırmaçı jurnalist Hafiz Babalı olub.

"Regionda mətbuat azadlığı sahəsində vəziyyət o qədər acınacaqlıdır ki, FreeMedia mükafatı üçün namizədlər o qədər çox və layiqlidir ki, bu ildən Fritta Ord Fondu və ZEİT Fondu mükafatların sayını 3-dən 5-ə qədər artırmaq qərarı qəbul edib", deyə Fritt Ord Fondunun icraçı direktoru Knut OlavAmos bildirib.

"2019-cu il üçün "Azad KİV" mükafatının beş laureatı da korrupsiyanı, mütəşəkkil cinayətkarlığı, insan hüquqları pozuntularını və hakimiyyətdən sui-istifadəni çox mühüm yollarla ifşa edən, cəmiyyətə xidmət edən əhəmiyyətli jurnalistlərlə fəal şəkildə işləyən cəsur jurnalistlərdir", deyə Knut OlavAmos bildirib.

2016-cı ildən etibarən Free Media mükafatları hər il Rusiya, Ukrayna, Azərbaycan, Belarus, Gürcüstan və ya Ermənistanın müstəqil jurnalistlərinə və ya cəsur KİV təşkilatlarına verilir. 2019-cu ilin mükafatların Fritt Ord Fondunun və ZEİT-Stiftung-un himayəsi altında 2019-cu il noyabrın 18-19-da Litvanın Vilnyus şəhərində keçiriləcək Free Media Awards konfransında təqdim ediləcək. Mətbuat üçün hər bir mükafat laureatına təqdim ediləcək mükafatın ölçüsü 15 min avro təşkil edir.