"Bərdə rayon Ləmbəran kənd sakini Mikayılov İsfərfil Cavad oğluuna özümə məxsus olan avtomobilimi idarə etmək üçün 3 ay müddətinə sürmək üçün etibarnamə vermişdim. Vaxt tamam olduqda İsrafil Mikayılov müxtəlif bəhanələrlə avtomobilimi özümə qaytarmaqdan imtina etdi. Mən bununla bağlı DİN-in qaynar xətti olan 102 xidmətinə zəng edərək, hadisəni onlara danışdım və bildirdim ki, mənim avtomobilim qanunsuz olaraq Bərdə rayonunda istifadə edilir. Müraciətimin üzərindən xeyli müddət keçsə də, Daxili İşlər Nazirliyi şikayətimə ciddi yanaşmadı".

7gun.org xəbər vrir ki, bunu Sozcu.az saytına müraciət edən Ağsu rayon sakini Ziya Şikarlı deyib. Şikayətçi onu da qeyd edib ki, Bərdə rayon polisi ona qarşı fırıldaqçılıq edən həmyerlilərinə tərəf olur.

"31.12.2018-ci Il tarixində mən özüm Bərdə rayonuna gedərək, “Qoşa qala qapısı” deyilən ərazidə avtomiblimi tapdım və yenidən 102 xidmətinə müraciət etdim ki, artıq avtomobilimi tapmışam, xahiş edirəm geri alınması üçün köməklik göstərin. Onlar da öz növbəsində məni Bərdə rayon polis şöbəsinə yönləndirdilər. Polis şöbəsində növbətçi hissədə xidmət aparan polis mayoruna hadisəni olduğu kimi izah etdim və əlavə də olaraq qeyd etdim ki, Bərdə rayon Ləmbəran kənd sakini Mikayılov İsfərfil Cavad oğlu mənə məxsus olan avtomibili etibarnaməsiz idarə edir və 450 azn cəriməsi var. Avtombil qanunla ən azından cərimə meydançasına yerləşdirilməlidir. Avtomobildə “Qoşa qala qapısı” deyilən yerdədir, xahiş edirəm avtomobilimin cərimə meydançasına yerləşdiliməsi üçün köməklik edin. Növbətçi hissədə dayanan polis mayoru şikayətimə etinadsız yanaşaraq, bizi həmin sahə üzrə sahə müvəkkili işləyən polis leytenantı Musazadə Vüsalın üzərinə yönəltdi. Halbuki o, dərhal yol polis əməkdaşlarına məlumat verib avtomobilin cərimə meydançasına yerləşdirilməsinə köməklik etməli idi.

Sahə müvəkkili Mikaylov İsrəfilə zəng edərək, yanına gəlməsini istədi. İsrafil isə telefonu söndürərüb, gəlməkdən imtina etdi. Telefon danışığında İsrafil Mikayılov özü avtomobilin mənə məxsus olduğunnu və qeryi- qanuni idarə etdiyini sahə müvəkkilinə bildirdi.

Mən avtomobilimi yolda gördükdə, yaxında olan DYP əməkdaşına həmin avtomobilin sənədlərini təqdim edərək, həmin avtomobilin mənə məxsus olduğunu, hazırda avtomobilin cəriməsi olduğu üçün həbsdə olduğunu deyib, avtomobili saxlamalarını istədim. Təsəvvür edin ki. DYP əməkdaşı yerlipərəstlik edərək, avtomobili saxlamadılar. Baxmayaraq ki, mənim avtomobilimin Mikayılov İsrafilin idarə etməsi üçün hüququ yoxdur və avtomobilin hazırda 450 azn cəriməsi var.

Mən burdan aidiyyəti qurumlara müraciət edərək, bildirirəm ki, mənə məxsus olan “Opel” markalı avtomobil Bərdə rayon polisinin əməkdaşlarının yaratdıqları “şəraitə” əsasən bərdədə qanunsuz idarə olunur. Nə vaxtsa, həmin avtomobil ilə hər hansı qəza və yaxud cinayət hadisəsi törədildikdə məsuliyyəti mən yox, Bərdə rayon polisləri daşıyır.

Əldə etdiyim məlumata görə, avtomobilim hazırda Bərdə rayonunda ustaların birinin həyətində satılmaq üçün hissələrə bölünür.

P.S. Saytının əməkdaşı avtomobili oğurlamaqda ittiham edilən Mikayıl İsrafilovla əlaqə saxlayaraq, məsələ ilə maraqlanıb. Mikayıl İsrafilom əməkdaşımıza iki günə avtomobilin ya özünü, yada dəyərini hesablayaraq pulunu verəcəyini desə də, verdiyi sözə əməl etməyib.