ReAL partiyasının üzvü Anar Məmmədov inzibati həbs cəzası alıb
ReAL partiyasının üzvü Anar Məmmədov iyulun 7-də saxlanılıb.
O, Yasamal Rayon məhkəməsinin hakimi Hüseyn Səfərovun sədrliyi ilə keçirilən prosesdə 10 sutka inzibati cəza alıb.
Məlumatı Meydan TV-yə Anar Məmmədovun atası Azad Məmmədov verib.
Azad Məmmədov bildirib ki, oğlunu dünən evdən həyətə çağırıblar, guya, maşını sürərkən qonşunun maşınına sürtüb:
"Halbuki, elə şey olmayıb. Sonra dedilər ki, həyətdə söyüş söyürmüş. Əlbəttə, bunlar yalandır, Anarı 28 May yürüşünə görə tutublar. Məhkəmədə də ona İnzibati Xətalar Məcəlləsinin 535.1-ci maddəsi oxundu. Biz apelyasiya şikayəti verəcəyik”.
28 May Azərbaycan Xalq Cümhuriyyətinin elan olunmasının 100-cü ildönümündə keçirilmiş bayram yürüşündən sonra ReAL Partiyasının dörd üzvü 30 sutka inzibati həbsə məruz qalıblar.
Deputat Mogerininin diqqətini Emin Aslanın həbsinə çəkib
Mehman Hüseynovun məhkəməsi təxirə salındı
REAL fəallarına qarşı həbs dalğası başlayıb
Çexiyada Gülalıyevin oğlunu hədələyirlər
Sabiq icra başçısından 10 gündür xəbər yoxdur