Ucar şəhəri H.Əliyev küçəsi ev 136 sakini Şirinov Raqif Ayaz oğlu “Azərsu” ASC-nin 2 №-li Regional Sukanal İdarəsinin müdiri Fərhad Heydərovdan şikayətçidir.

Raqif Şirinov tərəfindən 7GÜN TV-yə göndərilən müraciətdə bildibildirilir ki, "Azərsu" ASC-nin 2 № li Regional Sukanal İdarəsinin ​ müdiri Fərhad Heydərov külli miqdarda dövlət ​ vəsaitini talan etsə də əməllərinə görə ondan hesab soran yoxdur. "Azərsu" ASC-nin sədri vəzifəsini icra edən Köçəri Həsənovla yaxınlığı olduğu üçün 67 yaşlı Fərhad Heydərov əmək müqaviləsi ilə işləyir.Hansı ki, o bu sahənin mütəxəssisi deyil.Onun maxinasiya vasitəsi ilə dövlət əmlakını talan etmək məharəti çox güclüdür.Buna görədir ki, qocalıq yaşı keçmiş Fərhad Heydərovu Şamaxı Su-Kanal İdarəsinin müdiri vəzifəsindən bir neçə ay əvvəl "Azərsu" ASC-nin 2 № li Regional Sukanal İdarəsinin ​ müdiri vəzifəsinə gətirdilər.

"Bundan sonra avtomobillərə ayrılmış yanacaqlar saxta aktlarla satılmağa başlanıldı. 20 metr su borusu dəyişdirildiyi halda, tərtib olunan aktda 2000 metr kimi göstərildi. Bahalı elektrik mühərrikləri satıldı, ehtiyat hissələri almaq adı ilə pullar silindi. Yeraltı su boruları yararlı olduğu halda çıxarılaraq satılmağa başlanıldı.​
Talançılığının sayı hesabı olmayan Fərhad Heydərovun şəxsi biznesi və əmlaklarının dəyəri milyonlarla manatdır.​ Bakı şəhərində çoxlu​ sayda mənzillərə, Şamaxı rayonunda bahalı villalara, ticarət obyektlərinə, avtosalona,​ şadlıq sarayına, balıq yetişdirmə gölünə,​ iri və xırda buynuzlu heyvan fermalarına sahib olan Fərhad Heydərovun yeri zindan olmalı idi ancaq "Azərsu" ASC -nin rəhbərliyinə yaxşı görüm-baxım etdiyi üçün 67 yaşlı qoca talançının vəzifəsi daha da yüksəlmişdir. Hətta, Şamaxı rayonunda​ dəyəri bir​ milyon​ manatdan çox​ ​ olan​ istirahət mərkəzi də inşa etdirmişdir.
Fərhad Heydərov "Azərsu" ASC-nin 2 № li Regional Sukanal İdarəsinin ​ həyətindəki qiymətli ağacları bir neçə gün əvvəl kütləvi şəkildə qanunsuz olaraq kəsdirib məhv etmişdir.

Ucar və Zərdab Sukanal İdarələrində müdirlərə məcburən tələbnamə yazdırıb bir neçə ştatı işçinin razılığı olmadan​ qanunsuz ləğv etdirmişdir. Həmin ştatda uzun illər nöqsansız işləyən şəxslərə təzyiqlər göstərir. Bu isə Azərbaycan Respublikası​ Əmək Məcəlləsinin tələblərinə ziddir.​ Məqsəd isə​ onlardan istədiyi pulu almaqdır. Fərhad Heydərovun 67 yaşı olmasına baxmayaraq nəfsi doymur. "Azərsu" ASC-nin 2 № li Regional Sukanal İdarəsinə 6​ rayon (​ Şamaxı, Ağsu, Ucar, Zərdab, Kürdəmir və Qobustan)​ ​ sukanal idarələri və Külüllü su mənbəyi​ ​ tabedir.​ 2 № li Regional Sukanal İdarəsi​ Ucar rayonunda yerlışir.​ Hər bir idarə müdiri ona aylıq haqq verir.Buna görədir ki, artıq Zərdab Sukanal İdarəsinin saxta diplomlu , fərari müdiri Romiq Nəcəfov yararlı artezan qurğularını belə doğratdırıb metal kimi satdırır.(Romiq Nəcəfovun​ qanunsuz fəaliyyəti ​ barədə​ geniş məlumatı növbəti günlərdə verəcəm).
​
Fərhad Heydərovun göstərişi əsasında "Azərsu" ASC-nin 2 № li Regional Sukanal İdarəsinin ​ tabeliyində olan rayonların Sukanal İdarələri yerlərdə​ sahibkarlara qeydiyyata alınmayan su xətləri çəkib onlardan aylıq pullar alırlar. Bununla da dövlət külli miqdarda pul itirir. Ancaq Fərhad Heydərov belə cinayət yolu ilə yüksək​ kapital əldə edir.​

Mən mətbuat vasitəsi ilə ölkə Prezidenti cənab İlham Əliyevdən xahiş edirəm ki, dövlət əmlakına qənim kəsilən Fərhad Heydərovun ​ maliyyə maxinasiyalarının və digər qanunsuz əməllərinin araşdırılmasına, onun barəsində ciddi hüquqi tədbirlərin həyata keçirilməsinə göstəriş versin"-deyə, Raqif Şirinovun müraciətində qeyd edilir.