7gun.org-a daxil olan məlumata görə ofisi (İqamətgahı) Nazirlər Kabinetinin yaxınlığında yerləşən "RUN GROUP" MMC-də qəribə olaylar baş verir.

Bu təşkilatda ayrı-ayrı iş adamlarından, xüsusilə, mənzil-tikinti biznesi ilə məşğul olan firmalardan tender əməliyyatlarının keçirilməsi, Bakı şəhərində əlverişli torpaq sahələrinin alınması, tikinti-biznes layihələrinin hazırlanması adı altında küllü miqdarda rüşvət alınır və sahibkarlar bir neçə ildir ki, rüşvət olaraq verdikləri pulları geri ala bilmirlər. "RUN GROUP" MMC-in direktoru Talışxanova İranə Əziz qızı yüksək vəzifəli şəxslərin himayəsində olduğunu bildirərək ayrı-ayrı dəllalların vasitəçiliyi ilə iş adamlarını tora salır, əmlaklarını ələ keçirir və onların pullarını mənimsəyir. Dəllallardan biri vaxtı ilə Bakı şəhər Baş Tikinti İdarəsində mühasib işləmiş, əslən Zaqatala rayonundan olan Bahəddin Cumayevin vasitəsilə aldanılan bir neçə iş adamı 3 ilə yaxındır ki, onlara vəd edilən "cənnəti" gözləyirlər.

Məlumatda bildirilir ki, İranə Talışxanova hətta bir sıra rayon İcra Hakimiyyəti Başçıları ilə də "işgüzar əlaqələr" qurub onların dəstəyindən istifadə edir. 2018-ci ilin aprel ayında Mingəçevir şəhərində İcra Hakimiyyəti Başçısı ilə təntəraqlı görüşlər keçirtməsi buna əyani subutdur.

Məlumatlı mənbə qeyd edir ki, İranə Talışxanova "işgüzar" səfərlərə çıxarkən dövlət rəsmləri kimi korteclə müşaiyət olunur. Görünür, yüksək vəzifəli bəzi şəxslərin "RUN GROUP" MMC-də ciddi maraqları vardır.

Məlumatlı mənbə bildirir ki, "Run Group" MMC-də maliyyə və vergi əməliyyatlarının dövlət orqanları tərəfindən yoxlanılması bir çox qaranlıq məsələlərə aydınlıq gətirər.

Qarşı tərəflə əkaqə saxlayıb onların da mövqeyini öyrənmək istəsək də, lakin cəhdlərimiz baş tutmadı. Buna baxmayaraq, qarşı tərəfin də mövqeyini dərc etməyə hazırıq.

Araşdırmalarımızı davam etdirəcəyik.