Elvin Mustafayev aclıq aksiyasına başlayıb
7GÜN XƏBƏR-in məlumatına görə bu barədə Turan-a fəalın yaxınları bildiriblər.
O, sentyabrın 28-dən etibarən aclıq edir.
"Elvinin başında və onurğasında ağrıları var idi. Onu sentyabrın 20-də müalicə müəssisəsinə göndərmişdilər. Orada isə Elvini normal müayinə, müalicə etmirdilər, digər məhbuslarla əlaqə yaratmağa imkan vermirdilər, vəkilə telefon zənglərinə qadağa qoymuşdular. Sentyabrın 28-də onu yenidən cəzaçəkmə müəssisəsinə qaytarıblar. Etiraz əlaməti olaraq o, aclıq elan edib", deyə mənbə qeyd edib.
Elvin Mustafayev 4 avqust 2023-cü il tarixində Azərbaycanda saxlanılıb və narkotik vasitələrin qanunsuz dövriyyəsində ittiham olunub. Mustafayev ittihamları təkzib edib, narkotikin onun üstünə polis əməkdaşları tərəfindən atıldığını bildirib. Yanvarın 31-də Bakı Ağır Cinayətlər Məhkəməsi onu 3 il müddətinə azadlıqdan məhrumetmə cəzasına məhkum edib.
Hüquq müdafiəçiləri onu siyasi məhbus kimi tanıyıblar.
Polad Aslanov təzyiqlərə etiraz olaraq cəzaçəkmə müəssisəsində aclıq elan edib
Jurnalist aclıq aksiyasına başlayıb
Aclıq edən fəallar başqa-başqa müəssisələrə köçürülüblər
Aclıq aksiyası davam etdirilir
Həbsdə olan müxalifətçi Mehman Hüseynova dəstək olaraq aclıq elan edib
Əbülfəz Bünyadov təcridxanadan müalicə müəssisəsinə köçürülüb