Bakıda estetik əməliyyatı zamanı komaya düşən gənc qız vəfat edib.

7GÜN XƏBƏR xəbər verir ki, Mediatv.az-ın əldə etdiyi məlumata görə, bir neçə gün əvvəl ağır vəziyyətdə Kliniki Tibbi Mərkəzə yerləşdirilən 23 yaşlı Arzu Əzimova tibbi müdaxilələrə baxmayaraq vəfat edib. Məlum olub ki, o, bir neçə gün əvvəl Sabunçu rayonu ərazisidəki özəl klinikasında rinoplastika əməliyyatı (estetik burun əməliyyatı) etdirib və orada komaya düşüb. Daxil olmuş məlumatda bildirilir ki, rinoplastika əməliyyatı edən həkimin estetik əməliyyat etmək üçün sertifikatı olmayıb. Digər məlumata görə estetik əməliyyat edən həkimlə, "Medicare" klinikası arasında heç bir əmək müqaviləsi yoxdur.

Başqa bir məlumatda bildirilir ki, "Medicare" klinikasının direktoru Azər adlı şəxsdir və o da tibbi təhsilə malik deyil. Bu məsələlərə aydınlıq gətirmək üçün dəfələrlə klinika ilə əlaqə saxladıq.Daxil olmuş məlumatlarla bağlı dəfələrlə cəhd etsək də klinikanın mövqeyini öyrənə bilmədik. Yaxın günlərdə aidiyyatı qurumların bu məsələyə mövqeyini öyrənməyə cəhd edəcəyik.

Qeyd edək ki, rəhmətə gedən Arzu Əzimova 2 uşaq anası olub.