Ukrayna Prezidentinin ofisi: "Rusiya hərbçiləri Çernobıl AES-i ələ keçiriblər"
Bu barədə Ukrayna Silahlı Qüvvələrinin Quru Qoşunları komandanının müşaviri Alena Şevtsova feysbuk səhifəsində məlumat verib.
"Ruslar Çernobıl stansiyasını ələ keçiriblər. Stansiyanın əməkdaşları girov götürülüb. Bu, təkcə Ukraynanın deyil, həm də Avropanın təhlükəsizliyinə təhdidir", - deyə Şevtsova bildirib.
Ukrayna Prezidenti ofisinin rəhbərinin müavini Mixail Podolyak məlumatı təsdiqləyib.
“Rusiya hərbçiləri Çernobıl Atom Elektrik Stansiyasının ərazisini nəzarətə götürüb”, - deyə o bildirib.
M.Podolyakın sözlərinə görə, hazırda stansiya təhlükədədir və təxribat riski var.
"Ağır döyüşdən sonra Çernobıl ərazisinə nəzarətimiz itdi. Keçmiş Çernobıl AES-in obyektlərinin vəziyyəti, saxlama və nüvə tullantılarının saxlanılması barədə məlumatsızıq. Hücumundan sonra Çernobıl AES-nin təhlükəsiz olduğunu demək mümkün deyil. Bu, Avropa üçün ən ciddi təhlükələrdən biridir. Ruslar yəqin ki, Çernobıl AES-də artıq təxribat xarakterli şeylər hazırlayırlar, ya da ondan istifadə edəcəklər”, - deyə Mixail Podolyak əlavə edib.
Ukrayna Ordusu 50-yə qədər rus hərbçinin öldürüldüyünü açıqlayıb
Hulisi Akar Ukrayna ilə Rusiya arasındakı gərginliklə bağlı açıqlama verib
ABŞ və Ukrayna hərbi rəhbərləri telefonla danışıblar
Conson: “Rusiya Ukraynanı işğal etməyə tam hazırdır”
Rusiya regionda vəziyyəti sabitləşdirmək üçün şərtini açıqlayıb
Blinken: “İşğal istənilən vaxt başlaya bilər”