Ələsgər Məmmədli: "Layihədə demək olar ki, hər maddə, hər bənd xüsusi müzakirədən keçməlidir"
7GÜN "Turan"a istinadən xəbər verir ki, Media hüququ üzrə ekspert Ələsgər Məmmədli bildirib ki, müzakirədə professor Qulu Məhərrəmli, Press Klubun rəhbəri Arif Əliyev, Azərbaycan İnternet Forumun rəhbəri Osman Gündüz, "Turan" İnformasiya Agentliyinin rəhbəri Mehman Əliyev, Azərbaycan Jurnalistlər Birliyinin rəhbəri Elçin Şıxlı və hüquqşünas Xalid Ağalıyev iştirak edib.
"Media qanunu layihəsinin dünənki müzakirəsində qərara gəldik ki, Milli Məclisin komitəsinə layihə ilə bağlı təkliflərimizi yazılı təqdim edək. Bu gün çox dəyərli şəxslərlə yazılı təkliflərin formalaşdırılması prosesini davam etdirdik. Layihədə demək olar ki, hər maddə, hər bənd xüsusi müzakirədən keçməlidir. Uzun və gərgin işdir", - Ələsgər Məmmədli qeyd edib.
O deyib ki, gələn həftənin əvvəlinə təklifləri yekunlaşdırıb, Parlamentə təqdim edəcəklər.
Azərbaycanda "Media haqqında" qanun layihəsi Milli Məclisin II oxunuşundan keçib. Hazırda layihə ilə bağlı müzakirələr davam edir.
Ekspertlər hesab edirlər ki, layihədə medianın fəaliyyətini məhdudlaşdıran mürtəce maddələr yer alıb.
İslahatların önündəki əngəllər və ya altdan-altdan iş görənlərin izi ilə...
Məhkəmə vəzifəli şəxslər barəsində xüsusi qərar çıxarılması barədə xahişi təmin etməyib
Jurnalist polisdən buraxılıb
“Digər sahələrdə fırıldaqçılar ifşa olunduğu kimi, reketçiliklə məşğul olan jurnalistlər də ifşa olunmalıdır”-Qulu Məhərrəmli
Sizin hıçqırıqınız yersizdir, cənablar
İşsizlərə pul veriləcək