Bakıda COVID-ə yoluxan hamilələrdən biri üçəm, digəri dördəm dünyaya gətirib
Kliniki Tibbi Mərkəzin mətbuat xidmətindən verilən məlumata görə, yanvarın 26-da Mərkəzə gətirilən 44 yaşlı hamilə qadın vəziyyəti daha da ağırlaşdığı üçün reanimasiyaya yerləşdirilib:
“Daha sonra həkimlər 30 həftə 6 günlük olan hamiləliyin sonlandırılması qərarını alıb və 4 gün sonra, yanvarın 31-də qeysəriyyə əməliyyatı ilə üçəmlər dünyaya gəlib. Üçəmlərin hər biri qızdır. Çəkiləri 1 200, 1 180, 755 qram olub. Hazırda onların üçü də küvəzdədir. İkisinin vəziyyəti stabil, birinin vəziyyəti isə ağır olaraq qalır.
31 həftəlik 22 yaşlı hamilə qadın isə fevral ayının 1-də Mərkəzə yerləşdirilib. Onun da vəziyyəti orta-ağır olduğu üçün təcili olaraq əməliyyata alınıb və dördəmləri dünyaya gəlib. Dördəmlərdən üçü qız, biri oğlandır. Onların çəkiləri 1 340, 1 440, 1 250 və 1 300 qram olub. Hazırda ikisinin vəziyyəti stabil, ikisinin vəziyyəti isə ağır olaraq qalır” - məlumatda bildirilib.
Şəhid olandan bir ay sonra oğlu dünyaya gələn baş leytenantın döyüş yolu
Azərbaycanda COVID-19 əleyhinə peyvənd olunanların sayı açıqlanıb
"Səhiyyə Nazirliyi də mənim nömrəmi “qara siyahı”ya saldı" - Nurlan Mirkazımlı
Ülviyyə Xəlil: “Daha bir körpə həkim səhvinin qurbanına çevrildi”
Mingəçevirdə bağçaların mövcud vəziyyəti
Jurnalisti avtomobillə vuraraq öldürən sürücüyə hökm oxunub